( عید شاعری )۔ ( Eid poetry )
عید شاعری
مرا بھی ایک اپنا تھا کبھی اِس ساری دنیا میں
مجھے چھوڑا تھا جس دن اس نے وہ بھی عید کا دن تھا
۔۔۔۔۔۔۔۔۔۔۔
مبارک عید کی دینا اگر چاہوں بھی، کس کو دوں
کوئی اپنا نہیں،،،،،تھا ایک،،،کب کا چھوڑ گزرا ہے
۔۔۔۔۔۔۔۔۔۔۔
عید اس بار بھی میں تنہا گزاروں گا صنم
تم نہ جانو گے مجھے کتنی ندامت ہوگی
عید محبوب کے دیدار سے ہوتی ہے مری
میرا محبوب نہ آیا تو قیامت ہوگی
۔۔۔۔۔۔۔۔۔۔۔۔۔۔۔۔۔
دل دھڑکنے لگا ہے زوروں سے
عید جوں جوں قریب تر آئی
ایسی شدت سے یاد آئی تری
آنکھ اشکوں سے میری بھر آئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید ہے نام خوشی کا لیکن
کیا خوشی ہوتی ہے معلوم نہیں
۔۔۔۔۔۔۔۔۔۔۔۔۔۔۔۔۔۔۔۔۔
عید سے عید کی خوشیوں سے ہمارا کیا کام
ہم تو روئیں ہیں فقت ہجر منایا ہے ترا
تیری یادوں سے ملاقات میں دن گزرا ہے
نام اس دل نے کئی بار پکارا ہے ترا
۔۔۔۔۔۔۔۔۔۔۔۔۔۔۔۔۔۔
جانے سے تیرے چل دیے خوشیوں کے سلسلے
تیرے بغیر ماند ہیں سب رنگ عید کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو جس میں دیدِ یار نہ،وہ عید کیا ہوئی
میرے لیے تو عید نہیں اک عذاب ہے
خوابوں میں بھی نظر نہیں آتا ابھی وہ شخص
اشکوں میں بھیگا ہجر کے ہر ایک خواب ہے
حمید اللہ خان حمید
______________________
_________________________
_______________________________
Mohammed urooj khan
15-Apr-2024 11:43 PM
👌🏾👌🏾👌🏾👌🏾
Reply
Hameed Ullah Khan Hameed
16-Apr-2024 07:29 AM
❤️❤️❤️
Reply